Ugefangen huet de Claude Weber seng Studien am Conservatoire vun der Stad Lëtzebuerg, wou hien deemools als Haaptfach Saxophon geléiert huet. Seng Niewenfächer woren ënnert anerem Musique de Chambre, Solfège, Museksgeschicht, Harmonie, Percussion a Piano.

     Mat engem "Prix de Capacité" um Saxophone an der Täsch, huet de Claude Weber dunn seng Studien zu Bréissel weidergeféiert. Am Alter vun nëmmen 21 Joer huet hien dann säin 1. Präis beim François Daneels gemach.

     Fir sech weider ze perfectionnéieren, huet hien bei diversen bekannten Saxophonisten wéi zum Beispill den Alain Crepin, Norbert Nozy an den Yvon Ducène un Masterclassen deelgeholl.

     Als Solist ass den Claude Weber mat diversen Orchesteren opgetrueden, wéi "Musique Royale des Guides de Bruxelles" an eis Militär Musék, fir der nemmen e puer ze nennen. Hien ass och Membre Fondateur vum "Quator de Saxophones du Luxembourg", deen hei zu Lëtzebuerg bekannt ass.

     Zënter 1972 ass den Claude Weber bei der Militär Musék ugestallt, a spillt vun do un als Solo Saxophon an désem Orchester.

     Seng Dirigentencarrière huet hien 1975 bei der Bétébuerger Harmonie ugefangen, wou hien bis 1991 den Takt uginn huet. Vun 1990 bis 1997 huet hien d'Greiveldénger Musék geleet, an ass schlussendlech Enn 1997 zur Bouneweger Musek komm, wou hien bis haut als Dirigent seng musekalësch Feinheeten ënner Beweis stellt.